ਪੰਜਾਬੀ ਗਾਇਕ ਅਤੇ ਅਦਾਕਾਰ ਦਿਲਜੀਤ ਦੋਸਾਂਝ ਨਾਲ ਫਿਲਮ ਜੱਟ ਐਂਡ ਜੂਲੀਅਟ 3 ਵਿੱਚ ਕੰਮ ਕਰ ਚੁੱਕੀ ਅਤੇ ਸੋਸ਼ਲ ਮੀਡੀਆ ‘ਤੇ ਭਾਬੀ ਚੁਮਿਆ ਵਾਲੀ ਦੇ ਨਾਮ ਮਸ਼ਹੂਰ ਰਣਜੀਤ ਕੌਰ ਹੁਣ ਆਪਣੀਆਂ ਰੀਲਾਂ ਨੂੰ ਲੈ ਕੇ ਵਿਵਾਦਾਂ ਵਿੱਚ ਘਿਰੀ ਹੋਈ ਹੈ। ਹਰੇਕ ਰੀਲ ਦੇ ਅੰਤ ਵਿੱਚ, ਉਹ ਅੱਖ ਮਾਰਦੇ ਹੋਏ ਕਿਸੇ-ਨਾ-ਕਿਸੇ ਦਾ ਨਾਮ ਲੈ ਕੇ ਕਹਿੰਦੀ ਹੈ “ਵੀਰਵਾਰ ਹੈ ਜਾਂ ਜੂੰਮਾ, ਲੈ ਚੱਕ ਭਾਬੀ ਦਾ ਚੁਮਾ।” ਰਣਜੀਤ ਕੌਰ ਭਾਬੀ ਲਈ ਇਹ ਤੁਕਬੰਦੀ ਹੁਣ ਮੁਸੀਬਤ ਬਣ ਚੁੱਕੀ ਹੈ।
ਰਣਜੀਤ ਕੌਰ ਦੀ ਇਸ ਤੁਕਾਂਤ ‘ਤੇ ਨਿਹੰਗ ਸਿੰਘਾਂ ਨੇ ਸਖ਼ਤ ਇਤਰਾਜ਼ ਜਤਾਇਆ ਅਤੇ ਉਸਦੇ ਘਰ ‘ਤੇ ਛਾਪਾ ਮਾਰਿਆ। ਬਠਿੰਡਾ ਤੋਂ ਲੁਧਿਆਣਾ ਆਏ ਨਿਹੰਗ ਸਮੂਹ ਨੇ ਸਖ਼ਤ ਚੇਤਾਵਨੀ ਦਿੱਤੀ ਕਿ ਸੋਸ਼ਲ ਮੀਡੀਆ ‘ਤੇ ਅਜਿਹੀਆਂ ਤੁਕਾਂਤ ਅਤੇ ਅਸ਼ਲੀਲ ਰੀਲਾਂ ਪੋਸਟ ਕਰਨ ਦੇ ਗੰਭੀਰ ਨਤੀਜੇ ਹੋਣਗੇ।
ਭਾਬੀ ਚੂੰਮੇਵਾਲੀ ਨਿਹੰਗਾਂ ਨੂੰ ਬੇਨਤੀ ਕਰਦੀ ਰਹੀ ਕਿ ਇਸ ਵਿੱਚ ਕੁਝ ਵੀ ਅਸ਼ਲੀਲ ਨਹੀਂ ਹੈ, ਪਰ ਨਿਹੰਗਾਂ ਨੇ ਇਨਕਾਰ ਕਰ ਦਿੱਤਾ। ਅੰਤ ਵਿੱਚ, ਭਾਬੀ ਚੁੰਮੇਵਾਲੀ ਨੇ ਨਿਹੰਗਾਂ ਨੂੰ ਲਿਖਤੀ ਮੁਆਫ਼ੀ ਦਿੱਤੀ ਅਤੇ ਕਿਹਾ ਭਵਿੱਖ ਵਿੱਚ ਅਜਿਹਾ ਨਹੀਂ ਬੋਲੇਗੀ।
ਸੋਸ਼ਲ ਮੀਡੀਆ ‘ਤੇ ਫੈਲਾ ਰਹੇ ਨੇ ਗੰਦਗੀ
ਬਠਿੰਡਾ ਦੇ ਨਿਹੰਗ ਗਰੁੱਪ ਦੇ ਮੁਖੀ ਦਾ ਕਹਿਣਾ ਹੈ ਕਿ ਰਣਜੀਤ ਕੌਰ, ਭਾਬੀ ਚੂਮੇਵਾਲੀ ਦੇ ਨਾਮ ਹੇਠ, ਸੋਸ਼ਲ ਮੀਡੀਆ ‘ਤੇ ਅਸ਼ਲੀਲ ਵੀਡੀਓ ਪੋਸਟ ਕਰ ਰਹੀ ਹੈ। ਉਸਨੇ ਉਸਨੂੰ ਕਈ ਵਾਰ ਸਮਝਾਇਆ, ਪਰ ਉਹ ਨਹੀਂ ਮੰਨੀ। ਮਜ਼ਬੂਰ ਹੋ ਕੇ ਉਨ੍ਹਾਂ ਨੂੰ ਬਠਿੰਡਾ ਤੋਂ ਲੁਧਿਆਣਾ ਆਉਣ ਲਈ ਮਜਬੂਰ ਹੋਣਾ ਪਿਆ।
ਘਰ ਦੇ ਬਾਹਰ ਚੱਲਿਆ ਡਰਾਮਾ
ਨਿਹੰਗ ਸਿੰਘ ਮਨਪ੍ਰੀਤ ਸਿੰਘ ਖਾਲਸਾ ਅਤੇ ਉਨ੍ਹਾਂ ਦਾ ਸਮੂਹ ਰਣਜੀਤ ਕੌਰ ਦੇ ਘਰ ਪਹੁੰਚੇ। ਦੋਵਾਂ ਧਿਰਾਂ ਵਿਚਕਾਰ ਕਾਫੀ ਸਮੇਂ ਤੱਕ ਗਰਮਾ-ਗਰਮ ਅਤੇ ਗੰਭੀਰ ਸ਼ਬਦਾਂ ਉੱਪਰ ਗੱਲਬਾਤ ਹੋਈ। ਨਿਹੰਗ ਸਿੰਘ ਨੇ ਘਰ ਦੇ ਅੰਦਰ ਬਣੇ ਮੰਦਰ ‘ਤੇ ਸਖ਼ਤ ਇਤਰਾਜ਼ ਪ੍ਰਗਟ ਕੀਤਾ। ਉਨ੍ਹਾਂ ਸਖ਼ਤ ਸ਼ਬਦਾਂ ਵਿੱਚ ਕਿਹਾ ਕਿ ਜਿੱਥੇ ਘਰ ਵਿੱਚ ਧਾਰਮਿਕ ਆਸਥਾ ਦੇ ਪ੍ਰਤੀਕ ਹਨ, ਉੱਥੇ ਹੀ ਸੋਸ਼ਲ ਮੀਡੀਆ ‘ਤੇ ਗੰਦਗੀ ਅਤੇ ਅਸ਼ਲੀਲਤਾ ਨੂੰ ਖੁੱਲ੍ਹੇਆਮ ਪ੍ਰਚਾਰਿਆ ਜਾ ਰਿਹਾ ਹੈ। ਉਨ੍ਹਾਂ ਰਣਜੀਤ ਕੌਰ ਨੂੰ ਤਾੜਨਾ ਕਰਦਿਆਂ ਕਿਹਾ ਕਿ ਸਿੱਖ ਭਾਈਚਾਰਾ ਅਤੇ ਸਮਾਜ ਧਰਮ ਦੇ ਨਾਮ ‘ਤੇ ਅਜਿਹੇ ਪਖੰਡ ਅਤੇ ਸਮਾਜ ਵਿੱਚ ਅਜਿਹੀ ਅਸ਼ਲੀਲਤਾ ਨੂੰ ਬਰਦਾਸ਼ਤ ਨਹੀਂ ਕਰੇਗਾ।
ਪਹਿਲਾ ਵੀ ਹੋ ਚੁੱਕੀ ਹੈ ਵਾਇਰਲ
ਰਣਜੀਤ ਕੌਰ ਭਾਬੀ ਇਸ ਤੋਂ ਪਹਿਲਾ ਚੋਣਾਂ ਸਮੇਂ ਅਤੇ ਨੀਟੂ ਸਟਰਾਵਾਲੇ ਕਰਕੇ ਪਹਿਲਾ ਵੀ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਚੁੱਕੀ ਹੈ ਉਹ ਆਪਣੀ ਰੀਲ ਵਿੱਚ ਚੁੰਮਾ ਦੇਣ ਦੀ ਤੁਕਬੰਦੀ ਕਹਿੰਦੀ ਹੈ। ਜਿਸ ਕਰਕੇ ਓਹਦਾ ਨਾਮ ਹੀ ਭਾਬੀ ਚੁੰਮਿਆ ਵਾਲੀ ਮਸ਼ਹੂਰ ਹੈ।
Dalveer Singh is a Punjabi news writer with StudioX News, covering Canadian news and current affairs for Punjabi-speaking readers. He has over five years of experience in journalism, editing, and Punjabi-language content, including work as a sub-editor at Zee Media and covering breaking news and national events. He holds a Master's in Political Science and writes with a focus on accuracy, clarity, and the stories that matter to the Punjabi community in Canada.